فرقة اصدقاء المسرح

لمحبي الفن والمسرح منتدى فرقة اصدقاء المسرح يهتم بالفن والمسرح
 
الرئيسيةاليوميةس .و .جبحـثالأعضاءالمجموعاتالتسجيلدخول
نهنئ الامة الاسلامية والعالم اجمع بولادة ائمة النور "الامام الحسين-عليه السلام-والامام العباس-عليه السلام-والامام السجاد-"عليه السلام-والامام المنتظر-عجل الله تعالى فرجه الشريف

شاطر | 
 

 مليت للشاعر جمعة الحلفي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نزار السدخان
مدير اعلام الفرقة
مدير اعلام الفرقة
avatar

المساهمات : 10
تاريخ التسجيل : 21/07/2009

مُساهمةموضوع: مليت للشاعر جمعة الحلفي   الخميس يوليو 30, 2009 6:22 am

مليت

راوست الثگل مرات

وعدلت الثگل مرات

داريت الحزن مرات

وخاويت الجرح مرات

باريت الزعل مرات

وجاريت الچذب مرات

وساهرت الليالي البيض وتعديت

وعديت الليالي السود وتعديت

لچن مليت...مليت



عاونتك على الكلفات مرات

وضگت كاسات من فرگاك مرات

وعفت لجلك هلي مرات.. مرات

وشفت منك مصايب ماسدن يا... طيب الذات

وعلى دربك رحت للموت ومن الموت رديت

ولجل عينك أنذال الناس باريت

لچن مليت... مليت



من ثگل الدمع بالعين.. مليت

ومن ثگل الحزن بالروح.. مليت

ومن ثگل الذنب بالراس.. مليت

أيام عديت الك

وسنين عديت الك

وزلات عديت الك

وحطيتك ابروحي

يمزيد جروحي

يا... شمعة البيت

مليت... مليت



وديني لهلي ياطيف

وصلني لهلي ياطيف

گربني لهلي ياطيف

هلي...

ياهلي... ياضيفي العزيزالماوراه ضيف

يا نسمه عليله بأول الصيف

يا ليلي الحزين الفارگ الكيف

يا لحظة حياة بطارف السيف

هلي..

ياهلي.. هلُو يالبعيدين

يا ناسينّا

وچنكم ولا ناسين

يمتانينّا ولا چنكم متانين

ياطعم العشگ ياريحة الطين

يا نفحة وطن محروگ يا بيت

أنا مليت...

مليت..

مليت..

مليت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مليت للشاعر جمعة الحلفي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فرقة اصدقاء المسرح :: الفئة الأولى :: المنتدى الأول :: الشعر الشعبي العراقي-
انتقل الى: